బి పాజిటివ్ ...
చెబుతూనే వుంటాడు
పదే.. పదే..
అనుమానపు అద్దాల్లోంచి
తొంగి చూస్తూ ... వాడు
బి కూల్ ...
శాంతింపజేస్తూనే వుంటాడు
అదేపనిగా
రాజేసిన అగ్నికి
ఆజ్యం పోస్తూ వాడే ...
ప్రూవ్ ... యువర్ సెల్ఫ్ ...
హితబోధ చేస్తుంటాడు
అనుక్షణం
ఆరోపణాస్త్రాలను సంధిస్తూ
అసహనంగా అతడే...
అవన్నీ మరచిపో..
సానుకూలత..ప్రశాంతత..
నిబద్ధత.. నీవైతే
నీ దారిన నువ్వు సాగిపో...
నీ మనసుకు నువ్వే జవాబుదారి
నీకు తెలియనివి
నా నుంచి నేర్చుకో
- ఓ అజ్ఞాని బోధ
విశాల విశ్వాన్ని చూడు
ఎంత ఉద్గ్రంథమో!
- ఓ వివేకి జ్ఞాన బోధ
ఆకాశంపై ఉమ్మి...
అహంకారి ఆనందం
అవనికి శిరస్సు వంచి...
ఆదర్శ మూర్తి ఆకాశమంత ఎత్తులో
కామెంట్‌లు లేవు:
కామెంట్‌ను పోస్ట్ చేయండి